2025 ОНЫ 09 САРЫН 17, ЛХАГВА ГАРИГ


Шинэ мэдээ

Өвөрхангай аймгийн Хүүхэд, гэр бүлийн хөгжил, хамгааллын газар “Насан туршийн суралцахуй төв”-тэй хамтран “Аз жаргалтай гэр бүл” вакум сургалт, нөлөөллийн үйл ажиллагааг эхлүүллээ. Энэхүү сургалтыг бүх сумдад үе шаттайгаар хэрэгжүүлэх санал хүргүүлснээс Арвайхээр сумын ЗДТГ хамгийн түрүүнд дэмжиж, амжилттай хэрэгжүүлсэн нь онцлог байлаа. “Аз жаргалтай гэр бүл” вакум сургалт нь цаашид аймгийн бүх сумдад зохион байгуулагдаж, олон гэр бүлийн харилцаанд эерэг өөрчлөлт авчрах зорилготой юм.
2025/09/16

“АЗ ЖАРГАЛТАЙ ГЭР БҮЛ” ВАКУМ СУРГАЛТ, НӨЛӨӨЛЛИЙН ҮЙЛ АЖИЛЛАГАА БОЛЛОО

Өвөрхангай аймгийн Хүүхэд, гэр бүлийн хөгжил, хамгааллын газрын “Эцэг эхийн зөвлөл”-өөс санаачлан ажилтан Г.Болорчимэгийн гэр бүлийн нэгэн дурсамжит мөчийг онцоллоо. Түүний хань, Зэвсэгт хүчний 256 дугаар ангийн ахлах ахлагч Ж.Пүрэв Өмнөд Судан улсад НҮБ-ын энхийг сахиулах ажиллагаанд нэг жилийн хугацаанд үүрэг гүйцэтгэж, эх орондоо эргэн ирсэн юм. Гэр бүлийнхэн нь ханиа, аавыгаа тэсэн ядан хүлээж баяр хөөр, догдлол дүүрэн угтан авлаа. Г.Болорчимэг: “Хань минь эх орондоо ирсэнд маш их баярлаж, бахархаж байна, бид тав чамайгаа маш их саналаа. Гэр бүлийн минь нандин мөчийг хуваалцаж, дурсамжит түүх болгон хадгалан үлдээж байгаа хамт олондоо маш их баярлалаа” хэмээн сэтгэгдлээ хуваалцсан юм. Хамт олныхоо нэрийн өмнөөс гэр бүлд нь аз жаргал, амьдралын сайн сайхан бүхнийг хүсэн ерөөж байна. ТЭД БОЛ МАНАЙ БАЙГУУЛЛАГЫН БАХАРХАЛТ, ҮЛГЭР ЖИШЭЭ ГЭР БҮЛИЙН НЭГ ЮМ.
2025/09/11

ЭНХИЙГ САХИУЛАГЧИЙН ГЭР БҮЛИЙН ДУРСАМЖИТ МӨЧ

Хүүхэд, гэр бүлийн хөгжил, хамгааллын бодлогыг орон нутагт хэрэгжүүлэх хүрээнд 2025 оны хоёрдугаар сараас эхлэн аймгийн бүх суманд Хүүхэд, гэр бүлийн нийгмийн ажилтнууд ажиллаж эхэлсэн. Энэ хүрээнд Хүүхэд, гэр бүлийн хөгжил, хамгааллын газрын Хүний нөөц, дотоод асуудал хариуцсан ахлах мэргэжилтэн Ц.Энхтуяа, Хяналт шинжилгээ, үнэлгээ, мэдээллийн сан хариуцсан мэргэжилтэн Ч.Төвхөнбаяр, Кейс менежмент хариуцсан мэргэжилтэн Д.Гантуяа нар Уянга суманд ажиллаж, шинээр томилогдсон нийгмийн ажилтан О.Адъяарэнчинд албан ёсоор ажил хүлээлгэн өгөх үйл ажиллагааг зохион байгууллаа. Ажил хүлээлцэх үеэр сумын удирдлагууд болон холбогдох байгууллагын төлөөлөл оролцож, хүүхэд, гэр бүлийн хөгжил хамгааллын ажлын онцлог, хүлээгдэж буй зорилт, чиглэлийн талаар танилцуулан, цаашид харилцан уялдаа холбоотой, үр дүнтэй ажиллахын үүрэг болголоо. Ийнхүү О.Адъяарэнчин нь Уянга сумын хүүхэд, гэр бүлийн асуудлыг хариуцан ажиллаж, хүүхэд хамгааллын бодлогыг орон нутагт хэрэгжүүлэх, хүүхэд бүрийн эрхийг хамгаалах, эцэг эх болон асран хамгаалагчдад зөвлөгөө, дэмжлэг үзүүлэх чиг үүргийг хэрэгжүүлэхээр боллоо.
2025/09/11

ХГБХХГ-ЫН ДАРГЫН ТУШААЛААР УЯНГА СУМАНД ХҮҮХЭД, ГЭР БҮЛИЙН НИЙГМИЙН АЖИЛТАН ТОМИЛОГДЛОО

“Ариунсанаа эмнэлэг”, Хүүхэд, гэр бүлийн хөгжил, хамгааллын газартай (ХГБХХГ) хамтран Арвайхээр сумын 13 багийн Хүүхэд, гэр бүлийн нийгмийн ажилтнуудын оролцоотойгоор согтуурах, мансуурах донтох өвчтэй иргэн, хорих ангиас суллагдсан иргэн болон байнгын асаргаа шаардлагатай хөгжлийн бэрхшээлтэй иргэн, хүнд хэлбэрийн хөгжлийн бэрхшээлтэй хүүхэдтэй өрх, эдгэшгүй хүнд өвчтэй иргэнд зориулсан олон нийтийн оролцоонд тулгуурласан нийгмийн халамжийн үйлчилгээг үзүүлнэ. Төсөлд хамрагдсан иргэдэд: ✅️Сургалт, нөлөөллийн арга хэмжээ: Гэр бүл, хөдөлмөр, нийгмийн хамгааллын сайдын 2025 оны А/53 тушаалын нэгдүгээр хавсралтад заасны дагуу сургалт, сурталчилгаа, олон нийтийн арга хэмжээг зохион байгуулна. ✅️Эрүүл мэндийн үйлчилгээ: Монгол Улсын Эрүүл мэндийн тухай хуульд заасны дагуу урьдчилан сэргийлэх үзлэг, шинжилгээ, оношилгоонд хамруулна. ✅️Нөхөн сэргээх болон сэтгэл зүйн дэмжлэг: Нөхөн сэргээх эмчилгээ, сэтгэл зүйн зөвлөгөө, асаргаа болон бусад шаардлагатай эмнэлгийн тусламж үйлчилгээг үзүүлнэ. Энэхүү үйлчилгээ нь: 🔰Иргэдийг нийгмийн ялгаварлал, гадуурхлаас хамгаалах, нийгмийн амьдралд оролцох боломжийг дэмжих 🔰Олон нийтийн арга хэмжээнд оролцуулах, эрүүл амьдралын хэв маягийг төлөвшүүлэх 🔰Гэр бүл, ойр дотны хүмүүстэй нь харилцааг сайжруулж, гэр бүлийн эрүүл, таатай орчныг бүрдүүлэхэд чиглэнэ.
2025/09/11

АРВАЙХЭЭР СУМЫН 13 БАГИЙН ИРГЭДЭД ЧИГЛЭСЭН НИЙГМИЙН ХАЛАМЖИЙН ЦОГЦ ҮЙЛЧИЛГЭЭ ҮЗҮҮЛНЭ

ХГБХХГ-ын Төгрөг сумын Хүүхэд, гэр бүлийн нийгмийн ажилтан М.Тэмүүлэн Ерөнхий боловсролын сургуулийн сурагчдад хорт зуршлын талаар мэдээлэл өгч ажиллалаа. Хичээлээр дамжуулан тамхи татах, архи хэрэглэх, мансуурах бодисын хор уршиг, цахим хэрэглээ болон тоглоомын донтолтын сөрөг нөлөөг тайлбарлаж, хүүхдүүдийг эрүүл зөв амьдралын хэв маягт уриалжээ. Мөн сурагчдад хорт зуршилд автахаас урьдчилан сэргийлэх арга зам, зөв сонголт хийхийн чухлыг ойлгуулан “Үгүй гэж хэлэх чадвар”-ыг төлөвшүүлэхийн ач холбогдлыг онцолсон байна.
2025/09/10

ТӨГРӨГ СУМЫН ЕБС-ИЙН 208 СУРАГЧИД ХОРТ ЗУРШЛЫН ТАЛААР МЭДЭЭЛЭЛ ӨГЛӨӨ

САНАЛ ХҮСЭЛТ

ЦАХИМ ХОЛБООС

САЙТЫН ХАНДАЛТ

Хугацаа Хандалтын тоо
ӨНӨӨДӨР 23
ЭНЭ 7 ХОНОГ 429
ЭНЭ САР 2684
НИЙТ 66913

Холбоо барих

Хаяг:
Монгол улс, Өвөрхангай аймаг, Арвайхээр сум 13-р баг Хүүхдийн ордон

Холбоо барих:
Утас: 77003255: 70327032
Цахим шуудан: uvurhangai@fcy.gov.mn

Хүүхдийн тусламжийн утас:
Утас: 77003255: +976-108

© 2023 он. Хүүхэд гэр бүлийн хөгжил хамгааллын газар. Бүх эрх хуулиар хамгаалагдсан.