Хүүхэд, гэр бүлийн хөгжил, хамгааллын ерөнхий газар, Дүдү боловсролын сантай байгуулсан хамтран ажиллах санамж бичгийн хүрээнд хүүхдийн техник сэтгэлгээ, инженерчлэлийн суурь мэдлэг, бүтээлч ур чадварыг хөгжүүлэх зорилгоор “Дүдү машин” хүүхдийн хөгжлийн хөтөлбөрийн улсын аварга шалгаруулах тэмцээн 2026 оны 05 дугаар сарын 08-10-ны өдрүүдэд Олон улсын хүүхдийн “Найрамдал” цогцолборт зохион байгуулагдаж, 18 аймаг, нийслэлийн 6 дүүргээс нийт 184 хүүхэд оролцсоноос Улаан ангилалд (5-7 нас) Арвайхээр сумын 14 дүгээр цэцэрлэгийн сурагч Г.Даваадорж гутгаар байр, Шар ангилалд (8-10 нас) Арвайхээр сумын ерөнхий боловсролын 5 дугаар сургуулийн 4б ангийн сурагч Ц.Мөнхбат тусгай байр, Ногоон ангилалд (11-13 нас) Арвайхээр сумын ерөнхий боловсролын 5 дугаар сургуулийн 7а ангийн сурагч О.Оргилбат гутгаар байр, Цэнхэр ангилалд (14-17нас) Арвайхээр сумын ерөнхий боловсролын 5 дугаар сургуулийн 11б ангийн сурагч Б.Ууганбаяр тэргүүн байр, Арвайхээр сумын ерөнхий боловсролын 1 дүгээр сургуулийн 10д ангийн сурагч Б.Билгүүнзандан гутгаар байрт тус тус шалгарсан амжилт үзүүллээ. “Дүдү машин” нь хүүхдийн техник сэтгэлгээ, бүтээлч ур чадварыг хөгжүүлэхээс гадна бүлдээ бүтээлчээр цаг гаргах, хамтдаа цагийг хөгжилтэй өнгөрүүлэх, гэр бүлийн гишүүд бүгд оролцох боломжтойгоороо онцлог хөгжлийн хөтөлбөр юм.

🙆‍♀️Хүүхэд хамгаалал, хүүхдийн эрхийн мэдлэгийг нэмэгдүүлэх зорилгоор “Хүүхдийн эрх, үүрэг ба ялгаатай тал”, “Хүчирхийллээс урьдчилан сэргийлэх нь” сэдэвт сургалтыг амжилттай зохион байгууллаа. 🙆‍♀️Сургалтаар хүүхэд бүр аюулгүй орчинд өсөж хөгжих эрхтэй бөгөөд өөрийн эрхийн зэрэгцээ бусдыг хүндэтгэх үүрэгтэй талаар мэдээлэл өгч, үе тэнгийн дээрэлхэлт, бие махбодын болон сэтгэл санааны хүчирхийллээс урьдчилан сэргийлэх мэдлэг, ойлголтыг нэмэгдүүллээ. 🙆‍♀️Мөн хүүхдүүдэд: • Өөрийгөө хамгаалах арга • Тусламж хүсэх чадвар • Найз нөхдөө ойлгож, хүндлэх • Эерэг харилцаа бий болгох талаар зөвлөгөө, мэдээлэл хүргэлээ. Согоот Баг Арвайхээр Сум -ын хамтарсан багаас тус сургалтыг зохион байгууллаа. Мэдээлэл бэлтгэсэн: Хүүхэд, гэр бүлийн нийгмийн ажилтан П.Баттогтох

✅️Олон улсын гэр бүлийн өдөр болон Монгол Улсын Ерөнхийлөгчийн 2026 оныг “Залуу офицеруудын хөгжлийн жил” болгон зарласантай холбогдуулан төрийн цэргийн болон хууль сахиулах байгууллагын алба хаагчид, тэдний гэр бүлийн харилцаа хандлага, хамтын ойлголцол, гэр бүлийн үнэ цэнийг бэхжүүлэх зорилготой “ХАМТДАА ЖАРГАЛТАЙ” гэр бүлийн сургалт, өдөрлөгийг 2026 оны 05 дугаар сарын 18-ны өдөр зохион байгууллаа. ✅️Тус үйл ажиллагаа нь гэр бүлийн халуун дулаан уур амьсгалыг нэмэгдүүлэх, алба хаагчдын гэр бүлийн харилцааг дэмжих, аз жаргалтай гэр бүлийн зөв хэв маягийг түгээн дэлгэрүүлэхэд чиглэсэн юм. ✅️Өдөрлөгийг Аймгийн Насан туршийн суралцахуйн төвөөс санаачлан, Аймгийн Засаг даргын Тамгын газрын Хууль, эрх зүйн хэлтэс, Аймгийн Хүүхэд, гэр бүлийн хөгжил, хамгааллын газар, Аймгийн Гэрлэх ёслолын ордон–Гэр бүл хүний хөгжлийн төв, Аймгийн хөгжимт драмын театр хамтран зохион байгуулсан. ✅️Өдөрлөгт аймгийн Шүүхийн Тамгын газар, Прокурорын газар, Цагдаагийн газар, Шүүхийн шийдвэр гүйцэтгэх газар, Бүсийн шүүх шинжилгээний төв, Улсын бүртгэлийн хэлтэс, Онцгой байдлын газар, Дотоодын цэргийн 833 дугаар тусгай салбар, Зэвсэгт хүчний 256 дугаар анги, Агаарын цэргийн 113 дугаар ангийн алба хаагчид гэр бүлийн хамт оролцох юм. Өдөрлөгийн хүрээнд “Аз жаргалтай гэр бүл” сургалт, хөгжөөнт тэмцээн, “Хайрын илгээмж” захидлын мөч, “Хосын тангараг өргөх ёслол”, урлагийн хөтөлбөр зэрэг олон талт үйл ажиллагаа боллоо.

2026 оны 05 дугаар сарын 07-ний өдөо аймгийн Засаг дарга болон түүний харьяа хэлтэс агентлагуудын дарга мэргэжилтнүүдийн оролцоотой “Хамтдаа шийдье” уулзалт хэлэлцүүлэг Есөнзүйл суманд зохион байгуулагдлаа. ХГБХХГ-аас Хүүхдийн эрхийн улсын байцаагч, сэтгэл зүйч нар оролцож 18 иргэнд зөвлөгөө өгч, 3 хүүхдэд сэтгэлзүйн оношлогоо хийж, 2 өрхийн асуудлаар хуралдааныг хамтарсан багийн хуралдааныг зохион байгуулж 5 хүүхдийн эрх хамгааллын асуудлаар хэлэлцэж эрх ашгийг хамгаалахад тодорхой шийдвэрүүдийг гаргалаа. Мөн Хүнс хөдөө аж ахуйн газрыг хүнсний хяналтын улсын байцаагчтай хамтран сургуулийн дотуур байранд ажиллаж багш ажиллагсдад хүүхдийн хөгжил хамгаалал болон хүнсний ахуйн чиглэлээр сургалт зохион байгуулж, зөвлөн тусласан ажиллалаа. #хүүхэдхамгаалал #хүүхэдхөгжил #Хүүхдийн_Эрхийн_Улсын_Байцаагч

✅️Өвөрхангай аймгийн Хөгжлийн бэрхшээлтэй хүүхдийн эрүүл мэнд, боловсрол, нийгмийн хамгааллын салбар комиссын 6 хүний бүрэлдэхүүн Хархорин суманд ажиллаж байна. ✅️Тус комисс нь орон нутагт нүүдлийн хурлыг зохион байгуулж, хөгжлийн бэрхшээлтэй хүүхдэд тулгамдаж буй асуудлыг шийдвэрлэх, хөгжлийн дэмжлэгийн үйлчилгээнд холбон зуучлах, мөн нутгийн удирдлага, эцэг эх, олон нийтийн мэдлэг ойлголтыг нэмэгдүүлэх, оролцоог сайжруулах зорилготой юм. ✅️Мөн эрүүл мэнд, боловсрол, нийгмийн хамгааллын чиглэлээр сургалт зохион байгуулж, хүүхэд бүрт хүрэх цогц дэмжлэгийг нэмэгдүүлэхэд чиглэн үйл ажиллагаа явуулж байна. #салбаркомисс #хүүхэдхамгаалал #нийгмийнХамгааллынҮйлчилгээ