Хүүхэд бүрийн авьяас, сонирхол, ур чадварыг хөгжүүлэх төрөл бүрийн дугуйлан, сургалтын зуны хуваарь болон амрах хугацааны мэдээллийг хүргэж байна. 🎨 Зураг 🎼 Хөгжим, дуу 💃 Бүжиг ♟️ Шатар 🧮 Соробан самбин 🤖 RoboKid программчлал 🇬🇧 Англи хэл 🗣️ Илтгэх ур чадвар 👧👦 Тоглонгоо суралцах сургалт зэрэг олон төрлийн дугуйлангууд үргэлжлэн хичээллэж байна. 📞 Дэлгэрэнгүй мэдээллийг хүснэгтэд байрлах багш нарын холбогдох утсаар авна уу.

🙆‍♀️Олон улсын хүүхдийн эрхийг хамгаалах өдрийн хүрээнд Өвөрхангай аймгийн Хүүхэд, гэр бүлийн хөгжил, хамгааллын газар болон Аймгийн Хүүхдийн зөвлөлөөс хүүхдийн дуу хоолойг сонсож, тэдний санал хүсэлтийг хүлээн авах зорилгоор “Сонсоё, Зөвлөе, Тусалъя” саналын хайрцгийг ажиллуулж байна. 🙆‍♀️Хүүхэд бүр үзэл бодлоо чөлөөтэй илэрхийлэх, тулгамдсан асуудал, хүсэл мөрөөдөл, санал санаачилгаа хүргэх боломжтой бөгөөд ирүүлсэн санал бүрийг хүлээн авч, холбогдох арга хэмжээг хэрэгжүүлэхэд анхааран ажиллах болно. Хүүхдийн дуу хоолой үнэ цэнтэй. Бид сонсоно, зөвлөнө, тусална.

🔰Хүүхэд, иргэдийн ая тухтай суралцах, ном унших орчныг бүрдүүлэх зорилгоор Аймгийн төв номын сангийн гэрээр ном олгох танхимыг нийтийн уншлагын танхим болгон тохижууллаа. 🔰Мөн номын сангийн 2 дугаар давхар, коридор, ариун цэврийн өрөөний будгийг сэргээн засварлаж, уншигчдад ээлтэй, цэвэр тохилог орчныг бүрдүүлэв. 📖 Түүнчлэн 3.0 сая төгрөгийн өртөг бүхий 98 шинэ номоор сан хөмрөгөө баяжуулж, уншигчдын хэрэгцээ шаардлагад нийцсэн номын хүртээмжийг нэмэгдүүллээ.

🔰Нийгмийн даатгалын газраас албан хаагчдын гэр бүлд “Хүүхдийн баяр”-ын өдрийг тохиолдуулан зохион байгуулсан “Бүх хайраа гэр бүлдээ” өдөрлөгт -Хүүхдийг зөв магтаж зэмлэх арга -Хүүхдийн нас биеийн онцлого -Гэр бүл дэх хүүхэд хамгаалал -Хүүхэд хамгааллын тухай хууль дээрх сэдвүүдийн хүрээнд сургалтыг зохион байгууллаа. 🔰Хамтран ажиллаж албан хаагчдын ажил амьдралын тэнцвэрт байдал, гэр бүлийн боловсрол олгох чиглэлээр нөлөөллийн үйл ажиллагааг зохион байгуулсан Нийгмийн даатгалын газрын дэргэдэх “Эцэг эхийн зөвлөл”-д талархсанаа илэрхийлье. Гэр бүлийн хөгжлийн мэргэжилтэн Т.Жавзансүрэн

✅️Өвөрхангай аймгийн Засаг даргын Тамгын газрын 2026 оны 05 дугаар сарын 21-ний өдрийн 1/449 дугаартай “Сорил зохион байгуулах тухай” албан бичгийн дагуу төрийн албан хаагчдын үндэсний бичгийн мэдлэг, хэрэглээг нэмэгдүүлэх, ахисан түвшинг тодорхойлох зорилгоор үндэсний бичгийн 2 дахь удаагийн сорил боллоо. ✅️Тус сорилыг аймгийн Насан туршийн суралцахуйн төв, Хэлний бодлогын салбар зөвлөлөөс 2026 оны 05 дугаар сарын 27-28-ны өдрүүдэд хавсралтаар батлагдсан хуваарийн дагуу зохион байгуулж байна. ✅️Энэ нь төрийн албан хаагчдын үндэсний бичгийн мэдлэг чадварыг дээшлүүлэх, үндэсний өв соёл, бичиг үсгийн хэрэглээг түгээн дэлгэрүүлэхэд чухал ач холбогдолтой юм.