2026 оны 05 дугаар сарын 07-ний өдөо аймгийн Засаг дарга болон түүний харьяа хэлтэс агентлагуудын дарга мэргэжилтнүүдийн оролцоотой “Хамтдаа шийдье” уулзалт хэлэлцүүлэг Есөнзүйл суманд зохион байгуулагдлаа. ХГБХХГ-аас Хүүхдийн эрхийн улсын байцаагч, сэтгэл зүйч нар оролцож 18 иргэнд зөвлөгөө өгч, 3 хүүхдэд сэтгэлзүйн оношлогоо хийж, 2 өрхийн асуудлаар хуралдааныг хамтарсан багийн хуралдааныг зохион байгуулж 5 хүүхдийн эрх хамгааллын асуудлаар хэлэлцэж эрх ашгийг хамгаалахад тодорхой шийдвэрүүдийг гаргалаа. Мөн Хүнс хөдөө аж ахуйн газрыг хүнсний хяналтын улсын байцаагчтай хамтран сургуулийн дотуур байранд ажиллаж багш ажиллагсдад хүүхдийн хөгжил хамгаалал болон хүнсний ахуйн чиглэлээр сургалт зохион байгуулж, зөвлөн тусласан ажиллалаа. #хүүхэдхамгаалал #хүүхэдхөгжил #Хүүхдийн_Эрхийн_Улсын_Байцаагч

✅️Өвөрхангай аймгийн Хөгжлийн бэрхшээлтэй хүүхдийн эрүүл мэнд, боловсрол, нийгмийн хамгааллын салбар комиссын 6 хүний бүрэлдэхүүн Хархорин суманд ажиллаж байна. ✅️Тус комисс нь орон нутагт нүүдлийн хурлыг зохион байгуулж, хөгжлийн бэрхшээлтэй хүүхдэд тулгамдаж буй асуудлыг шийдвэрлэх, хөгжлийн дэмжлэгийн үйлчилгээнд холбон зуучлах, мөн нутгийн удирдлага, эцэг эх, олон нийтийн мэдлэг ойлголтыг нэмэгдүүлэх, оролцоог сайжруулах зорилготой юм. ✅️Мөн эрүүл мэнд, боловсрол, нийгмийн хамгааллын чиглэлээр сургалт зохион байгуулж, хүүхэд бүрт хүрэх цогц дэмжлэгийг нэмэгдүүлэхэд чиглэн үйл ажиллагаа явуулж байна. #салбаркомисс #хүүхэдхамгаалал #нийгмийнХамгааллынҮйлчилгээ

✅️Гэр бүлийн үнэ цэн, хайр халамж, бие биенээ хүндлэх эрхэм чанаруудыг түгээн дэлгэрүүлэх зорилготойгоор бид Д.Буянтогтох, Б.Амгалан нарын гэр бүлийг онцоллоо. ✅️Тэдний халуун дулаан уур амьсгал, харилцан ойлголцол, бие биеэ дэмжих чин сэтгэл нь бусдад үлгэр дуурайлал болсоор ирсэн билээ. ✅️Хайр халамжаар дүүрэн гэр бүл-нийгмийн хамгийн бат бөх үндэс билээ. #ХалуунАмБүл #ГэрБүл #ХайрХаламж #ҮнэтЗүйлс

Монголын орчин үеийн утга зохиолыг үндэслэгч, соён гэгээрүүлэгч, Их зохиолч Дашдоржийн Нацагдоржийн мэндэлсний 120 жилийн ойг тохиолдуулан Монголын Хүүхдийн ордон, Монгол Улсын боловсролын их сургууль хамтран өсвөрийн яруу найрагчдын “Хүрэл тулга” улсын уралдааныг 28 дахь удаагаа зохион байгууллаа. Тус уралдаанд 17 аймаг болон нийслэлээс шалгарсан шилдэг 98 сурагч оролцож, авьяас билэг, уран сэтгэмжээ сорин өрсөлдлөө. Өвөрхангай аймгаа төлөөлөн Дунд насны ангилалд: Арвайхээр сумын ерөнхий боловсролын дүгээр сургуулийн 7б ангийн сурагч Б.Доржнамжим, Хархорин сумын ерөнхий боловсролын гүнзгий сургуулийн 8а ангийн сурагч Г.Саруул-Ирээдүй, Хужирт сумын ерөнхий боловсролын 2 дугаар сургуулийн 9а ангийн сурагч П.Одонтуяа Ахлах насны ангилалд: Богд сумын ерөнхий боловсролын 2 дугаар сургуулийн 10б ангийн сурагч М.Барсболд, 10б ангийн сурагч Э.Доржзовд, Хайрхандулаан сумын ерөнхий боловсролын сургуулийн 12а ангийн сурагч Ж.Насанжаргал тус тус оролцсон бөгөөд Богд сумын ерөнхий боловсролын 2 дугаар сургуулийн 10б ангийн сурагч М.Барсболд 3 дугаар шат хүртэл амжилттай оролцож шилдэг оролцогчоор шалгарсан амжилт үзүүллээ. Амжилттай оролцсон нийт хүүхдүүддээ болон бэлтгэн оролцуулсан багш, сурган хүмүүжүүлэгч нартаа баяр хүргэж, цаашдын уран бүтээлд нь өндөр амжилт хүсье.

👨‍👩‍👧‍👦 Эрхэм хүндэт эцэг эх, асран хамгаалагчид, 👩‍🏫 Цэцэрлэгийн эрхлэгч, багш нар та бүхнийг энхрий бяцхан үрсээ уг уралдаанд идэвхтэй бэлтгэн оролцуулахыг урьж байна. 🎭 Хүүхдийн авьяас чадварыг хөгжүүлэх, 🇲🇳 Монгол бүжгийн өв соёлыг түгээн дэлгэрүүлэх энэхүү сайхан боломжийг бүү алдаарай!